Ready to get started?
TOP Universities
September 27, 2023
Türkiyədə Tibb üzrə Təhsil / Koç Universiteti
Seriyamızın 60-cı günündə Türkiyənin İstanbul şəhərində tələbəmiz Emin ilə birgəyik.
1) Özünüzü təqdim edə bilərsiniz?
Mən Emin Rüstəmov. 18 yaşım var və Koç universitetində tibb tələbəsiyəm.
2) Universitetə hansı nəticələr ilə qəbul olmuşdunuz? Təhsilinizi necə maliyyələşdirirsiniz?
Universitetə 1510 SAT nəticəsi ilə qəbul olmuşdum. Universitetdə ödənişli təhsil alıram, yaşam xərci də çox deyil.
3) Universitetdə təhsil necədir?
Universitetdə təhsil əladır. Geniş siniflər, böyük kitabxanamız var. Bir tələbənin ehtiyacı olacağı hər şey var, təbiət mənzərəsi isə çox gözəldir.
4) Bəs təhsil xaricində tələbə həyatı necədir?
Özüm klublara qoşulmasam da tələbə həyatı yaxşıdır, həmçinin universitetdə çoxlu klublar var. Bundan əlavə universitetdə idman yarışları var. Universitetlər arası yarışmalarda da Koç iştirak edir.
5) Olduğunuz ölkə və şəhər haqqında təəssüratlarınızı paylaşa bilərsiniz?
Fikrimcə Türkiyə çox yaxşıdır, insanları da istiqanlıdırlar. İstanbul çox böyük şəhər olduğundan təbii ki, hər yerini gəzməmişəm, amma gördüyüm yerləri çox gözəldir. Sarıyer yaxınlığında yaşayıram və bura dağın üstündə olduğundan çox xoş mənzərəlidir. Həm də Beşiktaşı gəzmişəm, arxitekturası çox yaxşı olan bir yerdir.
6) Bu ölkədə, universitetdə və yaxud ümumiyyətlə xaricdə təhsil almaq istəyən tələbələrə nə kimi tövsiyələr verə bilərsiniz?
Koç universitetində oxumaq istəyənlər üçün tövsiyəm SAT imtahanına yaxşı fokuslanmaq, həmçinin yaxşı TOEFL nəticəsi əldə etməkdir. Bundan əlavə, universitetə gəlmədən öncə çoxlu araşdırmalar etmək lazımdır.
